Senteda generela dla Lia dl Turism de Sëlva 


Data

15 de dezember 2018

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Nstadì iel stat la senteda tradiziunela dla Lia dl Turism de Sëlva, ulache chësc ram turistich ie dessegur l plu mpurtant y sterch. N ne à nia mé audì ujes positives, vel’ cunscidrazion fej pensé do. Veles dl cunsëi nuef

Chëst ann fòvel inò la veles per l cunsëi y l presidënt nuef, y tlo à l presidënt Christoph Vinatzer „cun desplajëi messù dì che n ne n’ie nia stac boni de abiné n candidat nuef che ulëssa sëurantò la ncëria da presidënt.“ Vinatzer ie stat ti cin’ ani passei a cë dla lia, gën ti ëssel śën lascià la lerch a plu n jëunn: "Duc dij che l ie drët a se dé ca per la cumunanza, ma ala fin spera duc che l auter l feje," nscila Vinatzer. Per plu gaujes àl nscila tëut la dezijion de se mëter inò a despusizion. „Dantaldut ajache n ie,“ aldò de Vinatzer, „te na fasa drët mpurtanta, ulache n messerà posizioné da nuef la valeda turistica de Gherdëina.“ Sambën che si dezijion ne n’ie nia stata saurida, da coche l à dit, „ajache la Lia de Turism ne n’ie nia mé plu n ufize che se cruzia de abiné ca patins y de mplenì majons. N se cruzia de scialdi truepa d’autra cosses, y a chësta maniera à n presidënt for plu y plu respunsablteies, per plazes da fé damat, per i troies, per i purtoies y n.i.“ Ma Christoph Vinatzer à udù la mpurtanza de avëi na cuntinuità tl bon lëur fat te chisc ultimi ani, y tla veles àn pona nce udù l resultat scialdi bon che ël à arjont.

Sun la foto: l presidënt Christoph Vinatzer dla Lia dl Turism de Sëlva.

Deplù tla USC stampeda di 14 de dezëmber.