N Carnescià Sarëinn

Data

14 de merz 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chëst ann iel n merdi de Carnescià stat mpue’ de festa, da pert di ulenteres dla Lia Sarëinn y dla jënt de tëmp

L ultimo di de Carnescià, n merdi ai 5 de merz, iel inò stat l di dla marënda per la jënt de tëmp. Sibe te Sëlva coche nce te S. Cristina y a Urtijëi àn ulù tò l’ucajion per pité i cëifs te na atmosfera de carnescià y de bona ueia.

Trueps ie i ulenteres che se cruzia de dé ora n iede al’ena la marëndes per duc i nteressei dla valeda. La Lia Sarëinn per la jënt de tëmp, cun l aiut dl KVW, à te chisc ultimi mënsc udù che l nteres ie scialdi grant, a Urtijëi iela bele tan inant che n possa vel’ ena nia tò su duc chëi che ulëssa se lascé scrì su, per gauja dla lerch che ne tleca nia. "L suzes ie grant y chël fej scialdi plajëi," nes dij l presidënt dla Lia Sarëinn Lukas Plancker. "L maië ie bon y cieche ie mo plu de mpurtanza ie che la jënt de tëmp sta gën adum a s’la ciaculé, a sté n cumpania. Oradechël ons la fertuna de avëi truep ulenteres da ulëi bon y da druch, che fej n boniscimo lëur."

Sun la fotografia: ulenteres dla Lia Sarëinn a Urtijëi cun la Mujiga.

Simon Peter Moroder

Galaria retrac