Ayomi Ajibade: da London cina San Martin

Data

22 de mei 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ayomi Ajibade vir a London y fej süa pröma esperiënza d’insegnamënt tles scores mesanes da San Martin y Al Plan. Ayomi é dala buna löna y s’á cinamai fat n tatoo por ladina. Nia vigni moro n’é n muciadú, mo la pel scöra de Ayomi provochëia pro jënt reaziuns demorvëia.
Nia dötes les porsones de corú n’é muciadus. Indere é gonot propi chësc le pröm pinsier che nes vëgn imënt sc’i odun n moro. Ince la jona Ayomi Ajibade á la pel scöra, mo ara vëgn da London y insëgna da valgügn mëisc incá tles mesanes a San Martin y Al Plan. Ara é gnüda a nes ciafé te nosta redaziun y nos se l’un cuntada impara. Ara dij che a San Martin i sál bel, ara á ciafé na atmosfera familiara y ince compagnia. N pü’ pice mefo...

La Usc: Ayomi, podesste pa te presenté a nüsc leturs. Ch’este pa, da ola vëgneste pa y ci fejeste pa de bel tla vita?
Ayomi Ajibade: I á inom Ayomi, á 23 agn y vëgni da London. Al momënt insëgni te scora mesana a San Martin y Al Plan. Por ci che reverda la domanda de ci che i feji, pói dí che i á ion les porsones,0 al me sá bel da incunté porsones de cultures desvalies y jí te posć desvalis. Chësc é ci che i feji ion.

Co s’ára pa porté pro che t’es rovada rodunt chiló tla Ladinia?
Chësta é na storia dër dër da rí. Tratan mi ultim ann de université âi na relaziun cun na porsona. Ël ê da Torino y insciöái porvé da fá le miú por rové te n post plü dlungia ël. I á fat domanda por n pér de laurs, n valgügn m’á dit de no, mo ala fin ái ciafé döes oportunités tla Talia. Öna chiló tla Ladinia y n’atra a Torino. La carateristica dl’organisaziun cun chëra che i sun rovada alerch, é che i ess podü gní metüda te vigni post dla Talia a lauré. Iö á ciafé laur tla provinzia de Balsan y ai m’á damané da gní te na valada ladina. I podô chirí fora danter Urtijëi o Al Plan y San Martin. Ala fin ái tut la dezijiun da gní a Al Plan y San Martin, deache i orô insigné pro mituns plü pici.

Co é pa stá i pröms dis che t’ês chiló, él pö döt atramënter co a London...
Mi pröms dis é stá dër plajors, deache i á ciafé n grup de jogn da San Martin che â mia eté. Ai m’á traté atira dër bun y i á passé n gromun de tëmp impara. Plü inant m’un ái spo ince intenü che San Martin é veramënter dër dër pice sciöche post.

Döta la intervista podëise lí t’La Usc di Ladins di 24 de ma, olache Ayomi nes cunta ince val’ esperiënza püch plajora che ara á fat por incërch, y ciodí che ara s’á lascé fá n tatoo por ladin.  (pablo)