Indô plü ciamurc "da coies" tla Val Badia

Data

19 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ti ultims agn osservëion tla Val Badia indô plü caji de coia dai ciamurc. Dal 2000 incá n’él sté passa 1.150
N de domisdé i pröms dis de jügn. Tratan na spazierada ite por la Val de Mareo passi zënza m’intëne dlungia n ciamurc ia. Al é chël ch’i odëis tla foto pro chësc articul. Al se sperd y leva sö, mo ne sciampa nia. I m’anadá atira che al á le col döt crepé sö. Al é debl, n’á gnanca plü les forzes da smizé demez. Al á la coia dai ciamurc y ciamó en chë sëra gnarál ciafé mort. Tla Val Badia án ciafé le pröm caje de coia l’ann 2000 y da iló inant éra presënta plü o manco te vignun di set reviers da ciacia. Da trëi agn incá osservëion indô plü caji de coia. Iniann i tochera suradöt al revier da Corvara, olache al é gnü ciafé 26 tiers morc, bëgn le mez di caji de döta la valada. La coia é por i tiers che s’la ciafa dër crödia. Le pice piedl ti gauja ai tiers na gran beca. Ai se craza tres danü, cina che la pel crëpa sö. Chësc ti gauja gran dolur, tan che i tiers mör spo plülere dales infeziuns.

Deplü sön la coia tla Val Badia ti ultims agn cina incö ciafëise t’La Usc di Ladins di 21 de jügn, olache i un ince baié cun le verdaciacia Hubert Tschaffert.  (pablo)