Adio, salata d’urt!

Data

20 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Serada de tempiades ai 19 de jügn a Al Plan de Mareo, cun granijores te garasc, urc desdrüc y ince na roa che é indô gnüda prigorosa.
Cun i cialc di dis passá, él feter vigni de gnü temporai. Y olache ai é tomá, ési ince stá valgamia stersc. Bëgn, tla sëra di 19 de jügn i ára toché al paisc d’Al Plan. Defata do les 21:00 ál metü man impröma da toné, spo da splacé y tla finada ince da granüjé. Les pices cogores de dlacia é tomades spësses, tan che müdli de granijores s’á ince abiné dan valgügn de chi garasc, sciöche an pó odëi dai retrac lapró. Ciafada se l’á bëgn ince i urc de ciasa y i ciüfs sön chi sorasc. Les granüjores ne n’á chiló nia albü pieté y i á te val’ caji veramënter desdrüs. La salata sará da senté do...
Cun le rî tëmp él sambëgn ince prigo da roes y rogossies. Y chiló s’á lascé adintëne la roa de Rü dal Ermo y Rü de Fojedöra, ince sce ara ne n’á nia fat danns - ma bun. Cotan de material é gnü jö por let dl rü, tan da avalié düc i saltadus de petun. Por fortüna ne n’é le rü nia jü porsura, sciöche al á fat te d’atri caji. Por le rî tëmp á messü fora ince i Stödafüs d’Al Plan.  (pablo)