Klaus tl Kurdistan

Data

10 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Esperiënza particolara por Klaus Mutschlechner d’Al Plan. Cun na delegaziun dla Junge Alpenregion ál podü fá n iade tl Kurdistan irachen
Klaus Mutschlechner d’Al Plan s’interessëia de politica y tol ince pert te gremiums desvalis. Dal 2017 incá él a ce dla Generaziun Jona dla SVP de Puster y cun la SVP ál iniann ince candidé ales lîtes europeiches. Bele dal 2016 incá él mëmber dl presidium dla Junge Alpenregion, na lia tët dles organisaziuns joniles di partis cristiagn-conservatifs de Trentin-Südtirol, Austria, Paiern, Svizera, Liechtenstein y Slovenia. Cun na delegaziun de chësc gremium ál iniann albü l’ocajiun da fá n iade tl Kurdistan irachen. I politics jogn ê gnüs inviá dal presidënt designé Masrour Barzani. Nos se l’un cuntada cun Klaus, por le damané co che ara i á buté.

Dal 2016 incá este ince tla Junge Alpenregion, cun chëra che t’as albü l’ocajiun da jí tl Kurdistan irachen. Co s’ára pa porté pro y ciodí pa avisa iló?
La Junge Alpenregion fej pert dla YEPP (Youth European People’s Party) y te chësta assoziaziun vëgnel ince tut sö mendranzes de stac da fora dl’Europa. Öna de chëstes é la regiun autonoma dl Kurdistan. Nos sun gnüs inviá diretamënter dal presidënt designé Barzani, por jí a capí la situaziun che ai á tl Kurdistan, deache nos sun püch informá sön süa situaziun laía. So interes ê da nes mostré la situaziun politica y soziala, y desche ai se proa por arjunje süa autonomia.

Co sëise pa gnüs tuc sö lajö?
I sun gnüs tuc sö tl aeroport internazional de Erbil te na manira che i ne s’aspetân zënzater nia. Miú ne sciafiâi nia da nes traté. Ai é gnüs a se do cun jeeps blindades sciöche an vëiga ti films americans. Indlunch olache i sun jüs - dai hotí ales incuntades - gnônse scortá da soldas. Ai á ciaré dal pröm al ultim da nes garantí le mascim dl bëgnester y dla sigurté.

Döta la intervista ciafëise t’La Usc di Ladins di 12 de messé.  (pablo)