Tosc la CD "Rais de nüsc tëmps"

Data

14 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dan dui agn, por sü 25 agn, â l’UCL-Uniun Ciantauturs Ladins metü da jí n concurs de cianties originales ladines. Sëgn é les registraziuns te stüde fates
Le titul dla CD nöia é "Rais de nüsc tëmps", orü insciö dai jogn instësc che á tut sö söes cianties tl stüde manajé da Benni Valentin a Badia. Diesc é indöt les cianties dl album, dötes originales y scrites dai ciantauturs instësc. Chisc é: "Gasubi", duo metü adöm da Gabi y Susi Mutschlechner d’Al Plan de Mareo, "Music Ways" cun Bruno Irsara de Badia, y Daniel Willeit d’La Pli de Mareo.
Daniel Willeit da Plazores â davagné dan dui agn le concurs porté dant dal vi a La Pli de Mareo, deboriada cun i atri dui ti él gnü dé da pert dla UCL l’ocajiun da tó sö chësta CD.
D’altonn 2019, bunamënter ai pröms d’otober, gnará la CD presentada dal vi dan al publich. Val’ é n iade sigü: 10 cianties nöies ladines de jones y jogn sará na sorpresa por les parores y melodies atocades y arichiará le reperetore bele ampl di ciantauturs y dles ciantauturies dles vals ladines.

 (Iaco Rigo)