Trapoluns en aziun

Data

15 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na dita todëscia á porvé da ti fá paié a na ëra de Badia daimpró da 1.000 euro, por sorvisc che ara n’â mai damané.
Cun l’internet y i smartphones él nasciü ince por i trapoluns poscibilités nöies da condü tla tënora les porsones y ti trá fora de tacuin val’ euri. Sües tecniches vëgn tres plü fines y baldi él tres indô porsones che toma ite y vëgn insciö lëdies de scioldi che ares s’á davagné cun fadia. En chësc de l’ái ince porvada cun na ëra de Badia, patrona de n afitaciamenes. Ëra ne s’á por fortüna nia lascé trá sura mësa fora, mo ara á cherdé sö te redaziun d’La Usc por cunté de süa esperiënza, cun le fin ince da avisé d’atres porsones che podess gní abinades cun la medema tecnica.
Ara é gnüda contatada da na dita todëscia cun le pretest da paié la spëisa de n contrat de retlam y promoziun por la ciasa, che ara ess bele stlüt jö dui agn denant. Le cunt che la dita damanâ: 997,00€ plü IVA. La ëra ne savô nia de chisc contrac y ti á dit ala dita che ara orô atira gní trata fora da chësc sorvisc. Baldi - insciö la dita - êl bele massa tert (ci coinzidënza!).

T’La Usc di Ladins di 19 de messé podëise lí do plü avisa cun ci tecniches che la dita l’á porvada y ci che la ëra de Badia á fat.  (pablo)