Indenités por le tru dla roda?

Data

18 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Les Uniuns di Ostis de Badia y Corvara á iniann tigní deboriada süa sentada generala. Jüda nen éra n iade implü dl tru dla roda. "I speri che i comuns pois ti dé na indenité ai paurs, zënza podunse s’l desmentié", dij le surastant HGV de Badia Markus Valentini
Les Uniuns di Ostis de Corvara y Badia á iniann tigní deboriada süa reuniun generala. I dui surastanc – Iwan Costamoling por Corvara y Markus Valentini por Badia – á podü saludé pro i ghesć le presidënt HGV dl raiun de Puster Thomas Walch y le secretér Walter Gasser, l’Ombolt da Corvara Robert Rottonara, l’assessuria de Badia Roberta Rinna Mellauner y la presidënta dla Uniun Ostis Val Badia Marina Rubatscher Crazzolara. Che le cialzá drüca de plü versc, án bele aldí fora dal discurs de Iwan Costamoling: proiec che ne vá nia inant, strades te condiziuns critiches, le tru dla roda ciamó dalunc, le fracac söi jus o le trafich tres plü pesoch y ater. 
Sciöche ara ê stada da d’aisciöda pro la reuniun di Paurs, án ince pro i Ostis baié dla colaboraziun danter les döes categories. Cis ti ultims tëmps é i tonns gnüs plü groi: "I porvun tres deplü da ciafé n dialogh, mo i messun ciafé n bun dialogh, nia agressif" – á dit Markus Valentini, che á spo aziché la chestiun zitia dl tru dla roda, olache an á cis tl comun de Badia de gran dificoltés: "I paurs n’ó nia plü dé ca i grunc debann. I speri che i comuns pois ti dé n paiamënt ai paurs. Co, ne n’ái nia imënt, mo sce chësc ne sozed nia, podunse se desmentié le tru dla roda." Le surastant odess ince i ostis sciöche intermediars.

Ci che al é ciamó gnü dit sön le tru dla roda y ci tematiches che an á ciamó aziché, podëise lí t’La Usc di 19 de messé  (pablo)