Sojornanza culturala: Longega Project

Data

17 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Terza ediziun dl "Longega Project – International Artist House".
Le fin de "AIR-Art in Residence" é chël da ti propone y ti mëte a desposiziun a artisć da foradecá n post de laur y de sojornanza por laoré y imparé da conësce le post y la cultura dla jënt. Le "Longega Project – International Artist House" röia chësc isté a söa terza ediziun tla ciasa estiva dl artist Fabian Feichter a Longega, che tin scora al’academia dles erts figuratives a Minca/München.
Ajache l’AIR chir la colaboraziun y le dialogh cun la jënt dl post vëgn düc i interessá inviá da passé a Longega de Sora por imparé da conësce les artistes y i artisć che sojornëia y laora tla residence. En chësc ann se desfira le "Longega Project – International Artist House" dai 31 de messé ai 10 d’agost, olache al é rové alerch Yuwi Kim (designer) y Byoungjin Kim (depenjadëssa) dla Corea, spo dai 10 d’agost ai 15 d’agost cun Peter Reill (fotograf) y Asja Schubert (fotografa) dla Germania; dai 15 d’agost ai 25 d’agost cun Katie Jayne Britchford (ert figurativa) y Thomads Silberhorn (ert figurativa) dal’Australia resp. dala Germania, spo dai 26 d’agost ai 2 de setëmber cun Hyojoo Jang (ert figurativa), Yoojin Kang (critica d’ert) y Seyoung Youn (depenjadëssa), dal’Inghiltera-Corea. Deplü informaziuns pó interessá pié do sot www.longegaproject.blogsport.com