L'esperiënza de Sofia a Rabat

Data

12 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Südtirol: Sön scomenciadia dl Ofize Sorvisc por la jonëza é stá indöt 19 jones y jogn dl Südtirol por na spana de tëmp a vijité y incunté families tl Maroco. Ala pert ince la jona Sofia Ferdigg.
"Por me él sté dër na bela esperiënza da tó pert al proiet ’Hallo Ciao Maroc’. Na esperiënza fora dal normal, che m’á dé la poscibilité da imparé da conësce n’atra cultura, porsones nöies cun chëres che i á podü me confronté de por de", chëstes é les impresciuns de Sofia Ferdigg, che é stada öna dles partezipantes dl iade tl Maroco tres le proiet "Hallo Ciao Maroc". Adöm cun d’atres jones y jogn – indöt ál tut pert al iade 19 partezipanc danter i 17 y i 22 agn – á Sofia Ferdigg podü sojorné por 10 dis pro na familia de Rabat, la capitala dl Maroco.

"Hallo Ciao Maroc" é n proiet dl Ofize Sorvisc por la jonëza dla Repartiziun Cultura todëscia metü da jí en colaboraziun cun l’organisaziun pro n monn solidal OWE dal 2010 incá. I partezipanc y les partezipantes é stá por l’ocajiun ghesć pro les families di jogn dla medema eté tl Maroco y á podü insciö imparé da conësce la vita da vigni de dles families dl Maroco cun sües tradiziuns y usanzes. Le program dl proiet intercultural á orü chei jogn toles pert danmisdé a n curs d’introduziun dl lingaz y dla cultura araba, y desfires spo domisdé ativités dl tëmp lëde adöm cun i jogn dl post.  Sön le program él sté danter l’ater ince jüc y ativités de aorela cörta che é gnüs organisá dala organisaziun partner Bassma. Les jones y i jogn é gnüs acompagná da Abdelouahed El Abchi dl Ofize Jonëza dla Provinzia y da Johanna Hofer y Adrian Luncke dl OEW.

"Por mirit dl iade che i á fat sunsi stada buna da capí, che ince sce les porsones y cultures é desferëntes él impó tröpes cosses y usanzes che nes coliëia y che é bunes da cherié n lian", á dit Miriam Pertner, na partezipanta. "Na gran richëza culturala y amizizies nöies cun porsones da n gran cör, sciöche ince la spëisa, la cultura y l’ert é les impresciuns che i me tolará para por tres", á ince dit Johanna Hofer, öna dles coordinadësses dl proiet.

"Toiletes pazes y zënza papier, jënt stlüta y curida pro, usc grautes y edli da temëi” – insciö s’imaginâ Jakob Dellago la cultura ti paisc arabics. "Mo chësta idea se möda do le pröm contat cun i marochins. Ai é daverc y mostra süa manira de vire, an pó insciö la confronté cun nosc stil de vita. Ince sce al é tröpes desferënzies, vëgnel impó fora amicizies y dialogs soc. Le dër sëns de dötes les porsones é pö chël da sté adöm, zënza emarginaziun y cun tröpa vëia da vire!"

La cossa plü bela de "Hallo Ciao Maroc" é stada por Leonie Wimmer chëra che ara á podü abiné cun chësc proiet informatif y intercultural na idea nöia d’ëra instëssa y dl monn: "Les mans depëntes cun henna tl hamam, cun incëria n gröm d’ëres desnüdes – i ê propi contënta a Rabat." Por Benedikt Hinteregger é chësc iade sté na ocajiun por imparé da conësce y capí damí la cultura musulmana. Al é sté na esperiënza straordinara y beliscima", atramënter co na vacanza tradizionala olache an ciara da ti sciampé ala vita da vigni dey olache an se stlüj ite te n monn superfizial, te n hotel de luxus."

Laur intercultural cun i jogn

Le laur intercultural cun i jogn alda pro i ciamps plü importanc dl Ofize Sorvisc por la jonëza. Al se trata de n laur por i jogn che unësc y che dá so contribut por ester bugn da jí sura les barieres culturales fora. Cun chëstes iniziatives y cun chisc iadi de stüde ti dán la poscibilité ai jogn y ales jones da imparé da conësce d’atres cultures – y, sciöche i ún podü odëi, se instësc!

Ajentöra por la stampa provinziala/ir