Le "tru dla roda" é gnü metü te cassëta

Data

17 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Te n comunicat stampa lascia al savëi le Comun de Badia da avëi tut la dezijiun – do les critiches, discusciuns y incuntades cun i interessá – da lascé tomé chësc plann nü por la realisaziun de n "tru dla roda" ti paisc dl’alta Val Badia
Le Comun de Badia scri danter l’ater che "les ultimes edemes á la Junta de Comun tigní incuntades cun i rapresentanc de dötes les categories economiches – te chë ocajiun á deplü dit che le tru dla roda é n bojëgn – spo cun le comité dl’Uniun di Paurs y inultima ciamó cun i proprietars di grunc (indöt nen n’él passa 250), che é gnüs inviá por le secundo iade a na presentaziun dla proposta dla trassa nöia, do les incuntades dl 2017" y che la maiú pert di interessá á dit ch’ai é decuntra ch’al vëgnes porté ite la trassa laurada fora danü tl PUC. Le Comun inant, danter l’ater: "Cuntra la proposta dl Comun él gnü dé dant les rajuns plü desvalies, da mëte man da ci che le Comun pó paié fora por i grunc, al dann por la natöra, ala liberté che ti gniss tuta a chi dai ciavai, ales detlaraziuns fates da deplü perts che ’chi dala roda vá pa insciö plö ion sön strada’ y ciamó tröpes d’atres lapró."

Deplü sarál da lí tla ediziun stampada de La Usc di Ladins da en vëndres che vëgn!