Se recordé da rengrazié

Data

13 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Al fej bun da oje l’edl sön ci che an á bele...
La domënia passada - Segra dal Rosare - él te plü ploanies gnü festejé la Festa dla Racoiüda. Insciö ince tla Ploania d’Al Plan, olache al é sté do mëssa la prozesciun cun le ciar, che vëgn abelí vigni dui agn dales uniuns dl paisc. Chëstes arjigna na cassëta olache ares mët ite früc dla tera o ince simboi de süa ativité, cun al zënter le rengraziamënt por ci che á buté. Rengrazié, dí dilan, fej pert dl’essënza de chësta festa. Sciöche siur Klaus Sottsas á ince recordé tla pordica, n’él nia logich che an á vigni de val’ sön mësa da mangé, sciöche al n’é gnanca logich che an á n laur por s’l impormëte y les condiziuns che toca lapró. Te na sozieté che é gonot ausada da damané y da pretëne, vá bindicé sot l’importanza dl rengrazié por les gröm de cosses che an á bele. Rengrazié ó dí che an oj l’edl sön ci che an á bele - y chël é pro la maiú pert dër dër tröp. Rengrazié, sce an le fej regolarmënter, fej gní plü contënc, fej gní reconescënc y dëida aprijé ince les "pices gran ligrëzes dla vita", chëres che ne vá nia da cumpré, mo che é - de por de - scincades.  (pablo)