Video: le lu te Mareo

Data

18 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Al é gnü odü le vëndres ai 18 de otober da doman feter söinsom la pista "Miara", nia dalunc da n cantier
De lus vëgnel baié tres indô tl Südtirol. Tla Ladinia é la sajun de munt iniann jüda a piz zënza cuntratëmps de chësc vers. Rodunt dan dui agn, ai 14 d’otober dl 2017 êl sté le pröm caje azerté ince te Mareo, olache le lu â scarzé n pice videl tla localité Sconanza de Fordí a Al Plan, da jí sö cuntra Fojedöra. Dui agn dedô tl medemo raiun, án sëgn ince n video de n lu. Al é sté le vëndres ai 18 d’otober da doman dlungia la Ütia Riff’a, feter söinsom la pista dai schi "Miara" a Al Plan. Alex Palfrader ê iló che al laurâ sön n cantier, canche al s’un á intenü che al ê nia dalunc le tier che se straciâ te bosch le lu. Iló i éra garatada al jonn da tó sö le lu, che á tles ciafes n videl de cerf. Le tier ê bele denant ferí, sciöche n iagher nes á dit. Bonamënter spordü dal fracac iló dlungia, á le lu lascé le tier te bosch, o altamo na gran pert dl tier, y s’un é jü en banun. Le video podëise odëi sot a chësc link

https://youtu.be/Iaa6LL-sXZM  (pablo)