La Pli á recordé so miscionar

Data

05 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En domënia ai 27 de otober él gnü recordé a La Pli le miscionar siur Franz Agreiter d’Alnëi, che é sté feter 60 agn tl Brasil. Na personalité che á vit püch te so paisc y che nes vëgn sëgn presentada te n liber
"I damani da gní tut sö tl Ordin da prou armoiü ma dal dejider de fá fora de mia vita n stromënt de amur y dla grazia de Dî danter la jënt". Chëstes é les parores che le jonn Franz Agreiter d’Alnëi da La Pli â pronunzié denanche se mëte sön so tru da prou. N tru che l’á condüt cina tles misciuns dl Mato Grosso tl Brasil, olache al á passé feter 60 agn de süa vita y olache al é ince mort l’ann 2009. En domënia dan otedé él a La Pli gnü recordé la vita y l’operé de chësta porsona y personalité, ince cun la presentaziun de n liber. "Le miscionar Salesian Sior Franz Agreiter d’La Pli – 60 agn tal Mato Grosso dal Brasil" é le titul dla publicaziun nöia, dada fora sön iniziativa de siur Pepi Chizzali da Ju – n nu dl miscionar – che á ince curé plü perts dl liber. Coauturs é Lois Ellecosta d’Al Plan y pere Alfonso de Castro dal Brasil.

Deplü ciafëise t’La Usc di Ladins di 31 d’otober.