Nëi: Mareo, San Martin y Badia stlüj scores y scolines

Data

13 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Te chisc trëi comuns gnarál tigní stlütes ai 14 y 15 de novëmber les scolines y les scores de vigni degré
La novera sostanziosa tomada ince tla Val Badia á albü conseguënzes pesoces sön la viabilité y ince sön les scores, olache scolares y scolars á messü sté en pert cina da sëra te scora, deache ai ne podô nia a ciasa por gauja dles strades stlütes. Al é insciö sté i stödafüch che á fistidié da i mené zoruch te sü paisc.
Por les conseguënzes dl tëmp á deplü comuns tut la dezijiun da stlü scores y scolines. Insciö unse la conferma che ti comuns de Mareo, San Martin y Badia restará stlütes les scolines y les scores de vigni degré (elementares, mesanes y altes), y chësc la jöbia ai 14 y le vëndres ai 15 de novëmber.
Por ci che reverda Corvara y La Val, nes á la direturia dla direziun raionala Badia Claudia Canins lascé alsavëi che les scores elementares restará intant por indoman davertes. Por les scolines di dui comuns n’unse por intant nia ciafé les informaziuns.  (pablo)