Mort sot la nëi

Data

21 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En domënia da doman án ciafé sot la nëi Silvester Peslalz dal För d’Al Plan. Al ê ciamó en vita, mo é spo mort te ospedal. Cun ël s’un é jüda na porsona bunorüda. La sopoltöra é chësc vëndres ai 22 de novëmber
En mercui da doman, canche an á ince te Mareo indô daurí les scores, manciâl suradöt öna na porsona al apel: le verdascolars Silvester Peslalz dal För a Al Plan, che é sté vitima de n bur’ fat sozedü tla nöt danter i 16 y 17 de novëmber. Silvester, ann 1949, ê söl tru da jí a ciasa. Püces desënes de metri dan süa abitaziun tl raiun dles scores éra spo sozedüda. An ne sá nia sce al é slizié, sce al s’é sté mal: fat é che Silvester Peslalz n’é nia plü sté bun da lové sö y é resté iló döta nöt. Ciafé l’án la domënia incër les 6 da doman, curí de nëi, ciamó en vita. Le corp ê bele dassënn desfridé y an l’á atira condüt te ospedal da Bornech, olache so cör á spo baldi lascé da bate. Silvester Peslalz ê na porsona bunorüda te paisc y na porsona de compagnia. Al ne i fajô nia a degügn y s’ingajâ ince por la comunité. Da plü agn fajôl vigni de da doman y do scora verdascolars a Al Plan y al ê ince atif tla Uniun di Scizeri dl paisc, pro chëra che al ê sté mëmber fondadú. Tan ion che jënt â Silvester – o "Silver" sciöche tröc i dijô – pón ince odëi dai comentars sön Facebook. Le messaje che an lî fora: "Silvester, te nes manciaras". La Corona por Silvester Peslalz vëgn periada chësta jöbia ai 21.11. dales 19:30 te dlijia d’Al Plan, la sopoltöra sará chësc vëndres ai 22 de novëmber dales 14:30.  (pablo)

Galaria retrac