Marcé t’La Spona y presentaziun de libri

Data

30 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Marcé da Nadé t’La Spona, chësta domënia al 1. de dezëmber: la Uniun di Ladins presentëia por l’ocajiun döes publicaziuns nöies por mituns
Le marcé che vëgn bele tigní da tröc agn te "La Spona" a Pidrô la pröma domënia d’Advënt é oramai deventé n post d'incuntada dër aprijé da pici y gragn, dai amisc de "La Spona" y da düc chi che chir y ó n pü’ rové ite tl’atmosfera dl Advënt. Dlungia n bun tê cialt y val’ biscoto pón amiré i früc de mëisc de laur y de preparaziun di lauranc cun sü maestri tla tesciaria, tla tistlaria, tla fujina y ti labors de "La Spona". Ince en chësc ann sará indô presënta la Uniun di Ladins Val Badia adöm cun l’Istitut Ladin Micurá de Rü cun sües publicaziuns ladines. Le marcé mët man dales 10 danmisdé y vá inant cina dales 16:00. Sön le program él preodü dales 14:00 intratignimënt musical cun melodies d’Advënt. Dales 14:30 presentëiaa la Uniun di Ladins döes publicaziuns por mituns y nia ma: "Albolina", na liënda ladina cun ilustraziuns de Silvia Baccanti, y "Les aventöres de Conni", n cufers de 8 mini-libri che cunta dles aventöres dla picia Conni. Ara se trata de na publicaziun por mituns, traslatada tl ladin da René Pescoll. La presentaziun di libri nüs vëgn abelida dala presënza dl clown Merendina. La Spona adöm cun la Uniun di Ladins inviëia da gní a chësc marcé y se lascé afasciné dal ambiënt de "La Spona" y dla leteratöra ladina.