Dui libri por mituns nüs

Data

02 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La pröma domënia d’Advënt él indó gnü tigní le marcé da Nadé tl Zënter Sozial "La Spona". Lapró á la Uniun Ladins Val Badia podü presenté döes publicaziuns nöies por mituns
La colaboraziun danter le Zënter Sozial "La Spona" y la Uniun Ladins Val Badia vá bele inant da plü agn y ciafa na espresciun particolara la pröma domënia d’Advënt, canche al vëgn tigní a Pidrô le marcé da Nadé, olache an pó ciafé scincundes originales y d’öga. Insciö éra ince stada en domënia dan otedé, olache n gröm de jënt é storta pro tl Zënter Sozial no ma a ciaré, mo ince a cumpré i produc che vëgn realisá dai assistis deboriada cun sü assistënc. Al é produc pratics por la ciasa, mo al é ince produc de decoraziun nadalina che mostra sö na gran creativité: n calënder d’Advënt, chedri cun pinsiers de benedisciun, cogores y chertes da Nadé, lëgns ziplá fora tl lignan vedly tan d’ater. Döt fat a man y döt fat cun chël cör y chë sinzierité che é daciasa t’La Spona.
Pro le marcé da Nadé a Pidrô ciafan en chësc de ince na mësa de publicaziuns ladines, tenüda sö dala Uniun Ladins Val Badia y l’Istitut Ladin "Micurá de Rü", olache an podô chirí fora danter na gran lîta de publicaziuns te nosc lingaz dla uma. Döes publicaziuns por mituns é gnüdes pormez rodunt sëgn dan Nadé. An á tut le marcé t’La Spona sciöche dërta ocajiun por les presenté: i baiun de "Albolina" y de "Les aventöres de Conni".

Deplü sön i libri nüs ciafëise t’La Usc di Ladins di 6 de dezëmber  (pablo)