Nia ma "influencers"

Data

03 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I "german roamers" mostra les Dolomites sciöche gnanca nos ne les conesciun. La cooperaziun dla IDM Südtirol arjunj un di clubs de fotografs todësc dla natöra plü renomá al momënt
Al se trata de n coletif de 14 artisć fotografs profescionai y semiprofescionai, ragrupá sot al inom "german roamers" (che foss "i todësc che roda"). So fin: ti surandé ala fotografia dla natöra n lingaz nü, lié adöm cualité cun pasciun y autentizité, trasmëte tres instagram la belëza dla natöra. Le coletif é partner de cooperaziun dla IDM Südtirol, y é tres indó cun deplü de sü fotografs söl iade te Südtirol. Dan da n pez ési stá a ciacia de motifs te Gherdëna y tl raiun dl Scilier. I früc é de bi retrac dl altonn dolomitich che fej la roda dl monn.
L’inom, na creaziun di fotografs dl grup instësc, vëgn dal verb ingleje "to roam". Al respidlëia l’idea fondamentala dl coletif: se lascé jí n iade surapinsier zënza presciun y abiné spo le motif plü original. Metü man á döt dan porta de ciasa, ti Paisc Todësc, por comuniché na sort nöia dla fotografia dla contrada. Intratan é i "german roamers" söl iade sura döt le monn, y tres indó ince te Südtirol.
Y ai ne se lascia nia combiné cun i "influencers" che i ún nu dantadöt söl social Instagram.

I "german roamers" á ince publiché sön Instagram y Facebook le video che ai á realisé tles Dolomites, por ti ciaré clichede sön:

https://www.facebook.com/germanroamers/videos/395960361202750/

Deplü tla ediziun de La Usc di Ladins da en vëndres che vëgn!

 (Iaco Rigo)