Incö él Santa Berbora

Data

04 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Santa Berbora é proteturia di lauranc dles minéores, di moradus, di architëc y di stodafüc
Berbora de Nikomedia é na martira cristiana dl 3. secul do Crist. Aladó dla liënda éra gnüda decapitada sön ordin de so pere (al dess avëi albü inom Dioscuros y ester sté n cramer rich), ajache ara ne renunziâ nia ala fede cristiana y a na vita devota y dedicada a Crist.
Berbora alda pro i catodesc Proteturs ("vierzehn Nothelfer"), so atribut tla presentaziun tradizionala é la tor cun trëi finestres o le caresc cun l’ostia, y tl grup cun d’atres santes cun la fëia de palma, corona y spada, y ince datrai cun n liber tla man (sciöche simboi dl martire y dla sacra scritöra).

En Santa Berbora, ai 4 de dezëmber, vëgnel tla usanza te nüsc raiuns coiü rames de chersciara, che vëgn metüdes adinfrësch por florí spo da Nadé.

Söl retrat odunse la dlijia idilica de Santa Berbora a La Val, fata sö ala fin dl 14ejim secul en onur dla proteturia de chi che laorâ tles minéores. Retrat de Freddy Planinschek/www.altabadia.org