N lëgn dá ligrëza, da 50 agn incá

Data

11 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Da 50 agn incá vëgnel fat sö a Ciampló da La Val le "lëgn da Nadé dl Cere", che an n’oress te paisc nia plü avëi mancia. Tröpa jënt é gnüda ala festa de iubileum, che á ince albü n tonn de solidarité
Al ê l’ann 1969 che Sepl Nagler dl Cere da La Val â metü man cun na idea particolara por chi tëmps: al â ilominé n gran lëgn dlungia ciasa, por abelí insciö le tëmp y la festa da Nadé te so paisc. Chësc sorvisc é gnü surantut spo dales generaziuns dedô y ti ultims 5 agn él so nu Tobia Lezuo cun trëi compagns che fistidiëia da le fá sö. Le lëgn é oramai deventé n simbol por le Nadé tl paisc y la jënt ne l’oress nia plü avëi mancia. En gaujiun di 50 agn dla iluminaziun dl lëgn án orü tigní na picia festa sön la plaza dla vijinanza da Ciampló, olache al é rové alerch n gröm de jënt. N grup cun i corgn da munt y valgügn musicontri dla Musiga da La Val á soné melodies nadalines, lapró gnôl bité biscoti y val’ de cialt da bëre. Nia inultima á la festa albü n fin de bëgn, olache al é gnü ite na bela gran spënora che jará a bëgn dla Uniun de San Vinzenz d’Al Plan.

Deplü ves cuntunse t’La Usc di Ladins di 13 de dezëmber  (pablo)