La Usc di Ladins

Tan de cosses che sozed te nüsc paisc te n ann su, s’un intënon suradöt canche an mët man da ciaré zoruch y trá "n pice bilanz", sce an ó dí insciö.
Chësc fajunse ince nos tla proscima ediziun d’La Usc di Ladins, olache i recordarun valgügn avenimënc che á caraterisé la vita tla Val Badia, olache i atocarun de plü ciamps. Te chël politich unse albü la nominaziun a assessur provinzial por Daniel Alfredier y assessur regional por Manfred Vallazza. I recordarun ince les corëtes dl tëmp, nia ma cun la gran nëi de novëmber, mo ince le vënt dal mëteman dl ann y le cialt da record d’isté; i recordarun le lu che se lascia odëi, valgügn inzidënc coriusc sciöche le ciaval tomé te lech o i auti sot na lovina, mo bëgn ince les desgrazies che á baldi ince tl 2019 porté te nüsc paisc tröpa plüra y comoziun.
Nia mancé ne manciará les iniziatives culturales – cun l’opereta a La Val y le musical a La Ila – le scassarot te plü ploanies dla valada, mo ince les tröpes iniziatives artistiches sciöche SMACH, la mostra CONTAINERT y tan d’ater. Döt chësc zënza desmentié i gragn suzesc sportifs, che nüsc atlec á condüt a ciasa l’ann passé.

Chësc y deplü ciafarëise sön nostes 7 plates de retrospetiva dla Val Badia, t’La Usc di Ladins di 3 de jená

 (pablo)