Al é fac y avenimënc che te lascia zënza parores: un de chisc é sozedü tla nöt dala sabeda ala domënia ai 4 y 5 de jená a Luttach te Ahrntal. Incër la 1:15 de nöt é n auto reflé deplëgn te n grup de todësc, cun n bilanz tragich y pesoch: 6 é i morc - döt jogn incër i 20 agn, önesc les porsones ferides – condütes anter plü ospedai. Da prömes informaziuns dess le ciafér ester n jonn de Puster che ê cioch. Sciöche le portal stol.it reporta sön süa plata internet él rové söl post chës 160 porsones a pité socurs: socoridus, assistënza spirituala, stödafüch y forzes dl ordinn. Dales 8:30 él gnü tigní a Luttach na conferënza stampa olache al é gnü porté dant i details.
Ci che se lascia chiló descrí te püces risses é veramënter n fat de gran desplajëi, che segnará tröpes vites y che gaujará tles families y porsones atocades n dolur che an ne pó nia se imaginé. Che i defunc pois palsé tla pésc de Dî y che düc i atri pois ciafé le sostëgn che ai adora, cun tröpa tröpa forza. Les sores parores che me pé adatades te na te’ situaziun, é chëres de na oraziun. (pablo)
Desgrazia cun morc a Luttach: n auto refla te n grup
Tla nöt dala sabeda ala domënia é n auto reflé ite te n grup de jogn todësc. Le bilanz é tragich
Galaria retrac
View the embedded image gallery online at:
https://www.lausc.it/valedes-ladines/val-badia/11619-desgrazia-cun-morc-a-luttach-n-auto-refla-te-n-grup#sigProId66b9a5b6d3
https://www.lausc.it/valedes-ladines/val-badia/11619-desgrazia-cun-morc-a-luttach-n-auto-refla-te-n-grup#sigProId66b9a5b6d3