Canche an alda baian de Israel, pënsa forsc tröpes porsones ala vera, ai conflic cun la Palestina, a terorism y atentac. Bonamënter a na tera olache al é damí s’un sté dalunc. Nia chësc ne s’á pensé la jona Silvia Tauro, 20 agn, che fej sëgn zacotan de mëisc de stüde tla cité israeliana de Tel Aviv. Silvia á vit cina 6 agn a San Martin de Tor, denanche se trasferí a Balsan. Do les scores d’oblianza ára fat la matura, che ara á stlüt jö tla contea de Hertfordshire a nord de London. So tru é jü inant a Reims tla Francia, olache ara fej l’université y stüdia sciënzes politiches. Rodunt tres le stüde universitar y le proiet Erasmus ára albü la ocajiun da pié ia por jí a studié te Israel: na esperiënza che á metü man d’otober y che jará inant cina de jügn. Sëgn éra zacotan d’edemes tla Val Badia y nos un tut l’ocajiun da nes lascé cunté plü avisa de süa esperiënza.
La intervista cun Silvia Tauro ciafëise t’La Usc di Ladins di 10 de jená (pablo)
Studié te na tera de conflic
Silvia Tauro da San Martin fej al momënt zacotan de mëisc de stüde a Tel Aviv te Israel. Ara nes cunta deplü de chësta esperiënza particolara
Galaria retrac
View the embedded image gallery online at:
https://www.lausc.it/valedes-ladines/val-badia/11641-studie-te-na-tera-de-conflic#sigProId3bf02be2a2
https://www.lausc.it/valedes-ladines/val-badia/11641-studie-te-na-tera-de-conflic#sigProId3bf02be2a2