La Usc di Ladins

En vëndres él ciamó gnü dé les ultimes ziplades, rafades y limades y sëgn éres arjignades. I baiun dles scoltöres tla nëi, che é gnüdes realisades dai 8 ai 10 de jená do la strada prinzipala d’Al Plan, en gaujiun dla 30ejima ediziun dl Festival dles scoltöres tla nëi. La iniziativa vëgn organisada dala Cooperativa Turistica d’Al Plan/San Martin, en colaboraziun cun l’Assoziaziun Turistica da Sanciana. Ot scuadres da Südtirol, Talia y ince paisc plü dalunc á ziplé chisc dis sües operes d’ert tla nëi d’Al Plan, por jí spo dai 13 ai 15 de jená tl’alta Val de Puster. Intratan pón a Al Plan dé jö la usc por les scoltöres che plej deplü. Danter chi che litará, él ince preodü da trá fora de bi bons. Tëmp án cina en mercui ai 15 de jená. Dedó savarán ince ci scoltöres che á davagné. Intratan pón se fá na spazierada sö por paisc y jí a ti ciaré.

T’La Usc di Ladins ves dijarunse che che á davagné  (pablo)