La Usc di Ladins

Mefodër l’ann passé d’otober unse podü scrí de n jonn da San Martin che s’á tut le tëmp de süa buna da jí da Picolin do strada fora a cöie sö ciomënt dlungia strada. Te na picia ora de laur ál sciafié da se ciarié ite l’auto de refodam, che al á spo desgort indortöra. N bel ejëmpl!
Dl ater vers n’él indó d’atri che nen dá n stlet, sciuran ciomënt por incërch zënza ponsé do. N te’ caje unse ince chisc dis, dagnora da Picolin fora. Tla terza óta da jí forapert n’él indó sté de chi che á ponsé che al ê plü saurí da desćiarié so refodam iló dlungia rü – magari denanco s’un jí a ciasa do la vacanza? – y zënza ponsé bëgn dî che al restará bonamënter n bel pez iló y che zacai messará jí a le cöie sö. La cherianza n’é mefo nia indlunch da ciasa. Indere: sc’i orun avëi na natöra y contrada nëta, ól ester le contribut de düc nos. Le ciomënt toca te chibl y nia te bosch o sön tru.  (pablo)