Por i Mondiai de Antholz

Data

18 de jené 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La ferata de Puster dess jí en funziun indó de plëgn y sura döt al plü tert por i Mondiai de Biathlon söl program te Antholz dai 12 ai 23 de forá 2020. Le tëmp mëna, y les firmes se spaza – datrai ince cun vigni tëmp da d’invern
Al momënt (da Nanü incá) passa la ferata vigni mesora danter Franzensfest y Bornech, y vigni ora danter Bornech y Valdaura. Aladó dl presidënt dla STA Martin Ausserhofer y dl assessur provinzial ala mobilité Daniel Alfreider podess le transiamënt vigni mesora ince gní garantí tl toch Bornech – Valdaura dai pröms de forá inant. Iló podess ince indó jí en funziun la ferata söla trassa d’Osttitol da Sanciana a Lienz y inzescü. De chësc se crüzia les ÖBB.
Le maiú problem atual é le toch dles scines tl paisc de Valdaura de Sura, olache al ê slisoré sot le binar jö na roa chi dis dl bur’ tëmp de novëmber 2019. Al vëgn ciaré da cuncé la ligna cun n punt che se tira sura le rench prigorus fora. Le terminn da daurí döta la trassa Franzensfest – Lienz é naota sön mësa: por i Mondiai iten Antholz, olache al röia adalerch aladó dla tradiziun milesc de fans – dantadöt dai Paisc Todësc.

 (Iaco Rigo)