La Usc di Ladins

Le Comun da La Val á sëgn na jomelinanza ti Paisc Todësc – plü avisa cun le comun da Pfronten te süd dl Paiern, nia dalunc dal confin cun Tirol.  Le documënt de »amizizia« é gnü sotescrit lafora, en gaujiun dl »Neujahrsempfang« organisé dal comun todësch. Le comun y paisc da La Val ê rapresenté dal vizeombolt Felix Dapoz, che á spo ince firmé le documënt, deboriada cun l’ombolta da Pfronten Michaela Waldmann. Dapoz é gnü acompagné da plü aconsiadus de Comun, sciöche ince rapresentantes y rapresentanc de uniuns desvalies.

T’La Usc di Ladins di 24 de jená ves cuntarunse deplü, intratan podëise ves ciaré chiló n pice video dla firma dl documënt. Chësc é le link: https://youtu.be/d-MzmVD7PyY

 (pablo)