La Usc di Ladins

Le titul dla mostra coletiva dla uniun culturala EPL-Ert por i Ladins é "Ester Ladins". Al é n tema atraënt che motivëia artistes y artisć a se dé jö cun l’identité, la cöna y patria ladina. La cité da Bornech é ales portes dla Val Badia y á albü tres n lian vi cun i ladins.
Le MMM Ripa tl Ciastel da Bornech ti é dediché ales popolaziuns dles munts, y avisa en chësc ann á la gesturia Magdalena Messner ponsé a na colaboraziun cun lies y artisć dles vals ladines. A chësta manira se mostrará i Ladins tres le "Ladinia Day" ai 15 d’agost 2020 da sü aspec culturai y gastronomics plü interessanc.

Deplü tla ediziun stampada de La Usc di Ladins dodoman, vëndres!