Val Badia: 3.084.232 nöts turistiches

Data

08 de fauré 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le turism tla Val Badia crësc ince dl 2019. Al edl dál che le marcé prinzipal di taliagn é jü n pü’ zoruch, y che le turism é tres plü internazional.
Ince tl 2019 fej la zifra indó parüda: 3.084.232 pernotamënc tla Val Badia, che é incër 9mile deplü co l’ann denant y insciö n aumënt complessif dl 0,30%. Chiló valgünes zifres y coriosités:

- Tla Val Badia án cumpedé tl 2019 indöt 23.794 lec turistics
- Mareo á la porcentuala plü alta de turisć taliagn, cun le 57,92% dles sojornanzes
- Tl comun da San Martin á le turism albü le maiú aumënt tl 2019, cun n plus dl 3,48% tles sojornanzes
- Tl’Alta Badia fej i sciori les vacanzes plü lunges, cun na mesaria de 5,1 dis, tendënza indlunch jöpert
- Da plü agn incá pón osservé che i rusci y i americans vëgn tres deplü. I americans á albü dl 2019 39.169 presënzes cun n aumënt dl 18,58%. I rusci 24.356 presënzes cun n aumënt dl 15,33%.

Chëstes y d’atres zifres, comun por comun, podëise ciafé t’La Usc di Ladins di 7 de forá.  (pablo)