La Usc di Ladins

A La Pli de Mareo él gnü tigní tl fin dl’edema passé les prelítes por cerne candidates y candidac por les lítes di 3 de ma. Te paisc êl 696 porsones che â le dërt da lité. Ala fin él sté 185 porsones che á tut sö l’invit, ci che corespogn al 26,58%. Candidat plü lité é sté Felix Ploner cun 71 usc; ël á ince bele manifesté süa orenté da se candidé da ombolt. Toch dedó cun 69 usc vëgnel Patrick Complojer, che é te chisc ultims 2 agn y mez assessur por La Pli. Al terzo post vëgnel öna dles sorpreses dla prelíta: la jona Katrin Ellecosta cun 52 usc. Inant vára cun l’aconsiadú de Comun atual Jan Agreiter cun 41 usc, spo vëgnel Wilhelm Hochwieser cun 36 usc. Sön 30 usc porom é rová Richard Erlacher (sté codî assessur da La Pli – ince ti pröms 2 agn y mez de chësta legislatöra) y Ludwig Rindler. Sön 28 usc é rové l’aconsiadú comunal di Freiheitlichen Lois Taibon.
Chisc é i atri candidac: 27 usc Samuel Agreiter, 26 Astrid Ladstätter, 24 Paul Willeit (Sach), 17 Manfred Trebo, 9 Jep Agreiter, 8 Davide Brandlechner y Valentin Erlacher, 7 Simon Willeit, 6 Natalie Ellecosta y Silvester Ellecosta, 5 Thomas Ploner.
4 usc á ciafé: Gabriel Comploi, Alfred Ellecosta, Alfons Facchini, Helene Gasser, Michael Ploner, Alexander Winkler;
3 usc á ciafé: Marco Comploi, Andrea Daverda, Tone Erlacher (Ombolt), Antonella Frenademez, Margaret Pedevilla, Brigitte Pezzei, Hubert Ploner, Peter Hochwieser, Franz Rigo, Daniel Willeit, Franz Willeit, Jan Willeit y Tresele Willeit.  (pablo)