Gran conferma por Angel y Felix

Data

17 de fauré 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I resultac dles prelítes da La Val é danman. Buna partezipaziun dl 44%
Ince le paisc da La Val á prelité i candidac che ai odess ion te Comun tla proscima legislatöra. Al ê gnü partí fora 1.085 zetoles y de chëstes n’él gnü zoruch 477, che corespogn ala porcentuala dl 43,96%. Döes zetoles é gnüdes dades jö blances, pro les atres á la jënt manifesté sües preferënzes. An podô dé jö öna na usc por le candidat da ombolt y 4 usc por candidates y candidac al Consëi.

Miribung davagna tler
Pro la prelíta da ombolt él döt tler: l’Ombolt atual Angel Miribung á abiné le bel numer de 345 usc, che corespogn al 72,63% de chi che á lité. Al secundo post vëgnel le vizeombolt atual Felix Dapoz cun 29 usc, al terzo Felix Nagler cun 11.

Gran resultat por Felix y Rita
Pro la prelíta di aconsiadus pón dí che an ti á confermé gran crëta a tröc de chi che é bele te Consëi. Al pröm post ciafunse cun 174 usc le vizeombolt Felix Dapoz, al secundo post vëgnel l’assessuria Rita Moling Rubatscher che á abiné le bel numer de 164 usc. Al terzo post vëgnel l’aconsiadú de Comun Felix Nagler, che á arjunt 86 usc. Al vëgn spo i assessurs atuai Hansi Rubatscher cun 80 usc y Egon Alton cun 78 usc. Inant vára (cina 10 usc) cun chisc inoms:
Markus Complojer 71 usc, Michael Nagler 67, Karl Nagler 65, Veronica Rubatscher 60 usc, Matteo Pescollderungg 52 usc, Daniele Moling 46, Manfred Moling 45, Davide Frenes 40 usc, Max Nagler 39, Alex Alton 36, Fritz Miribung 35, Edith Miribung - Furnacia 34, Simon Comploi y Simon Costabiei 25, Philipp Tavella 24, Patrick Frenes 23, Franz Miribung 20, Gottlieb Moling y Harald Vallazza 19 usc, Sepl Moling 18, Otmar Moling 14, Markus Campei, Giuvani Frenes y Daniel Tolpeit 12 usc, Oscar Moling 11, Helga Miribung y Albina Sottara 10 usc.

I atri resultac ciafëise t’La Usc di Ladins di 21 de forá  (pablo)