La Usc di Ladins

Al ê i 19 de merz dl 1999 che Meinhard Erlacher d’Al Plan fajô süa pröma gara di campionac nazionai dla brëia. De jená dl 2001 ál spo fat süa pröma gara de Copa dl Monn, te chëra che al restará cina dl 2014, arjunjon döes medaies de brom. Danterite ál ince podü fá para trëi Olimpiades – Torino, Vancouver y Sochi – y bëgn 7 campionac dl monn. Do la cariera agonistica á por ël metü man na spana nöia, tla iesta de alenadú dla nazionala taliana y dal ann passé incá alenëiel la scuadra todëscia. Por nos na ocajiun da s’la cunté impara.

La Usc: Meinhard, co s’ára pa porté pro che t’es gnü alenadú dla brëia?
Canche i á lascé l’agonism, me gnôl ert sura da sté ma pro la Polizia, porchël ái metü man da lauré sciöche alenadú. Le pröm ann sunsi sté assistënt y spo 4 agn chef-alenadú dla nazionala taliana. Bele do le pröm ann ái odü che fá l’alenadú ê mia vijiun. I agn denant êi bele maester de snowboard y de schi, mo fá alenadú é val’ d’ater, deache t’as traverc: porté jënt a davagné gares de copa dl monn, porté jënt a davagné mondiai o fá medaies y ince les Olimpiades. Pro i taliagn éra tles ultimes Olimpiades jüda de püch dlungia ia, mo sëgn ái la chance da lauré i proscimi trëi agn pro i todësc, che é dër stersc.

Döta la intervista ciafëise t’La Usc di Ladins di 21 de forá

 (pablo)