La Usc di Ladins

Al ê en jöbia ai 13 de forá da doman adora ch’i jô n toch a pe y ciarâ sö al cil. Al ê sozedü plü gonot che i odô n punt lominus che s’armoiô plü debota: al é satelic. En chësc de nen gnôl indere un indólater, düc ala medema destanza, düc feter te na linia rodunta. Ala fin n’ái cumpedé trëdesc. La jöbia dedó, feter dala medema ora indó na te’ morvëia. En chësc iade ne i ái nia cumpedá, mo al ê na dërta partida de lomins che s’armoiô da na estremité al’atra dl cil. Chësc á sambëgn descedé mia coriosité: i n’ê nia bun da me splighé le fenomenn, mo atira n’orôi impó nia tó tla bocia la parora UFO. Insciö m’ái ót a n apascioné de astronomia de Puster, che m’á tosc dé na resposta. Ara se trata de morones de satelic stlopetá sö al cil dala impreja "Space X" dl impresar Elon Musk. Y le proiet dal inom "Starlink" nen prevëiga milesc deplü. Chësc é n problem, ince por chi che osservëia y fej jö le cil. Ince la Uniun Astronomica Internazionala se stá cun fistide.

Deplü podëise lí t’La Usc di 28 de forá, olache i un ince baié cun l’astrofotograf Julian Rigo  (pablo)