La Usc di Ladins

Bele dl 2016 â la Uniun Ladins Val Badia publiché le codejel "Dal ordin ala fatura", olache al gnô dé n gröm de informaziuns y impulsc sön co che an pó adoré le ladin te na dita artejanala. Sëgn él danman ince le codejel por la gastronomia y la hotelaria, che porta le titul "Dala prenotaziun ala vacanza". Le proiet é gnü curé da Giuliana Clara cun la colaboraziun dl presidënt dla Uniun Michael Moling. "I orun daidé porté ite le ladin ince tl ciamp dl turism y dla gastronomia", dij Giuliana Clara, "La jënt che röia chiló adalerch chir l’autentizité dl post y valch plü de autentich co nosc lingaz él ri da ciafé. Cun le personal che vëgn gonot da foradecá vá le ladin n pice püch sot, porchël orônse mëte a desposiziun ejëmpli de ladins scrit, che an pó adoré tla strotöra."

Deplü sön chësc codejel ciafëise t’La Usc di Ladins di 28 de forá  (pablo)