Intervënt por i Destüdafüch da Corvara en vëndres ai 28 de forá incër mesa dales 10. N camion ê rové adalerch por ciarié pellets pro le Residence Belavista. Da informaziuns che i un ciafé dal comandant di Destüdafüch Helmut Thaler, é le meso sciöche al pé pié ia su tratan le refornimënt, y é rové deplëgn te n tiac. Iló él jü cun la roda dant sura n mür jö. Deache al é dificoltés da rové pormez cun le tanch, é i stödafüch jüs sö cun de mëndri auti y á spo ciafé aiüt dai lauranc de Comun cun la gomada. I stödafüch á albü da assiguré le post dlintervënt y ancoré le tët dl tiac, che ê daldöt sura cabina dl meso. Canche döt é sté assiguré, á le camion podü gní trat sö zoruch. Feris n’él por fortüna sté degügn. Dann án albü pro le tiac che é desfat, sciöche ince zacotan de danns materiai pro le gran meso.
Dann material a La Ila
N inzidënt él danmisdé ince sozedü a La Ila, al’altëza dl Durni’s. Sön la strada provinziala él salté adöm dassënn n auto y n camper, por fortüna ince chiló zënza feris, mo cun gran dann material a intrami i mesi. I Stüdafüch da La Ila é gnüs cherdá dales 9:40. Sciöche le comandant Armin Bernardi nes á dit, ái albü da assiguré jö le post dl intervënt, daidé i polizisć de Comun da regolé le trafich y dedó ince daidé desgorje intrami i mesi. (pablo)
Camion te tiac a Corvara; inzidënt sön strada a La Ila
Intervënt incö danmisdé por i Stödafüch da Corvara. N camion dal pellets é pié ia su y á desfat n tiac. A La Ila él sté n inzidënt söla strada provinziala.
Galaria retrac
- Le camion á abiné deplëgn le tiac. (© Destüdafüch Corvara)
- Le camion é rové cun la roda dant sura mür fora. (© Destüdafüch Corvara)
- Scenar dl inzidënt a La Ila. (© privat)
- Inzidënt a La Ila. (© Stüdafüch La Ila)
View the embedded image gallery online at:
https://www.lausc.it/valedes-ladines/val-badia/12047-corvara-camion-te-tiac#sigProId09147cc54e
https://www.lausc.it/valedes-ladines/val-badia/12047-corvara-camion-te-tiac#sigProId09147cc54e