Incö, mertesc ai 3 de merz 2020, se descëda Covara cun na bela cutra de nëi frësca, bëgn chi 50 cm. L’aria é frësca, mo nia frëida, y é dantadöt bona, canche an la tira ite y jö ti fia. De chësc s’intënn ince i ghesć dl Hotel Arlara sura Corvara, che vá fora te sorá y sön terassa por ciaré sön n panorama de morvëia. Y por n momënt é le tema de gran atualité, le coronavirus, desfanté. I s’l’ún cuntada cun la ostira Anja Kostner Granruaz, co che le efet coronavirus vëgn vit y afronté chëstes edemes.
La Usc: Tan de desdites ëise pa chisc dis por l’efet y la tëma dal coronavirus?
Anja Kostner Granruaz: "Nos sun zacó sconá cina sëgn, i ún bëgn chës 5-6 ciamenes desdites de por de, mo nia deplü. Pordërt esson albü les prenotaziuns plënes cina la fin de merz. Le maiú dann á indere i gragn hotí che laora cun sciori dal Ost Europa, dala GB y dal’America, ajache ai mëss gní cun le fliegher y i jori é en pert agaiá o desdic."
Da ci se tëm pa üsc ghesć?
"Tröc desdij ajache ai se tëm da nia plü podëi te so Stat do la vacanza. Ester él plü tëmes dala pratica co dala influënza."
Liéde do deplü en vëndres che vëgn tla ediziun stampada de La Usc di Ladins!
(Iaco Rigo)
