La Usc di Ladins

Do le decret statal che á comané da stlü scolines y scores de vigni degré, él nasciü deplü iniziatives por i jonins tratan l’edema. Insciö á plü scores de schi dla valada arjigné cursc de schi aposta por i jonins dl post. Ince le Sorvisc ai Jogn Val Badia á metü en pé n program implü, che é, sciöche ai scrii, la (Re)Aziun ales scores stlütes.


Le Sorvisc ai Jogn Val Badia informëia porchël de ci che gnará fat tla edema dai 9 ai 13 de merz

Al Plan y Antermëia
I orars dl laur davert por la jonëza resta anfat
Al Plan: salf di jogn davert le mertesc dales 14:30 ales 17:30; palestra daverta la jöbia dales 14:30 ales 17:30
Antermëia: palestra daverta en mertesc dales 14:30 ales 17:30

San Martin - Lönesc 09.03.
Salf di jogn y palestra daverc en lönesc dales 14:00 ales 17:15, por mitans y mituns dla elementara, mesana y scora alta

Saj.un La Ila 
Mercui ai 11.03. dales 9:00 ales 12:00 por chi dla elementara; dales 13:00 ales 19:00 por chi dla mesana y scora alta
Vëndres ai 13.03. dales 9:00 ales 12:00 por chi dla elementara; dales 15:00 ales 22:00 por chi dla mesana y scora alta
Tratan chisc orar án ince la poscibilité da bouldern

La Val - Jöbia 12.03.
Salf di jogn y palestra daverc:
dales 9:00 ales 12:00 por chi dla elementara
dales 13:00 ales 18:30 por chi dla scora alta y mesana

I atri orars dl "Laur davert" resta anfat sciöche zënza. Le Sorvisc de consulënza resta stlüt le mercui y le vëndres. Al n’ó ester degönes iscriziuns

I mituns y i jogn pó gní vigni de y canche ai ó. I geniturs dess valuté instësc sce i mené o manco. Les ativités vëgn tignides tan inant che al ne vëgn fora intratan d’atres desposiziuns.

 (pablo)