La Usc di Ladins

Te chësc momënt de emergënza ól ester n gröm de atrezadöra por medié y por se sconé. Dantadöt i mascheroc é tres plü rî da ciafé, y de plü assoziaziuns y istituziuns s’á ót a La Usc por fá n apel.
Un vëgn dala Crusc Blancia Alta Badia, olache le caposeziun Marcus Alton dij insciö: "Te chëstes edemes vál fora tröpa atrezadöra de segurëza che nüsc volontars adora da fá intervënc. Te nüsc magazins n’unse ciamó, mo deache i confins vëgn stült y che al é al momënt ri da ciafé liferanc, ésson dër ion sce val’ dita o hotí ess mascheroc o tutes che podess s’les mëte a desposiziun. An pó tó sö contat cun Marcus Alton al 333 3940366.

Mascheroc y material da dejinfeté
N medemo apel vëgn ince dal Salf Protezioné "Trayah" da Bornech, tres la sorastanta de grup Natalie Hochwieser, che prëia ince chi che ess mascheroc a desposiziun (ffp1 y ffp2), y p.ej. ince mascheroc che vëgn adorá gonot da estetistes. Lapró vëgnel ince perié do material da dejinfeté les mans. Chi che ess valch a desposiziun, é prëibel periá da contaté Natalie tres SMS o Whattsapp al nr. 335 1312476. Ai gnará cherdá zoruch.