La Usc di Ladins

Sëgn che i sun düc obliá da sté daite le plü che ara vá, adoron cotan deplü ince l’internet: por lauré da ciasa, por videoconferënzes, por desćiarié i compic dla scora, por ciaré videos, o scemplamënter soghé o se ciaré n bel film. Rodunt te chëstes edemes adoron plü cosses te n iade y porchël vál debojëgn de na linia asvelta. I "Stadtwerke" da Bornech á reagí ala situaziun y á tut la dezijiun da radoplé debann la potënza por sü 5.000 cliënc internet (de chisc ince tla Val Badia). La promoziun é piada ia ai 19 de merz y jará inant cina ala fin d’aurí. Na iniziativa che promöi le telelaur y impormët ativités digitales por le tëmp lëde.  (pablo)