View the embedded image gallery online at:
https://www.lausc.it/valedes-ladines/val-badia/12210-al-vegn-pa-begn-indo-l-aiscioeda#sigProIda1b330022b
https://www.lausc.it/valedes-ladines/val-badia/12210-al-vegn-pa-begn-indo-l-aiscioeda#sigProIda1b330022b
La Usc: Siur Degan, na Carsëma zënza mësses y funziuns n’arëise gnanca Os ciamó mai viü...
Siur degan Iaco Willeit: No, chël no. Al é na situaziun propi completamënter nöia. Nos ân arjigné ca ince dla Dlijia infora programs por la Carsëma, por preparé la jënt ala Pasca y sëgn éra gnüda döt atramënter. Mo magari é chësta ciamó na miú Carsëma co les atres.
Chësc mëssi Ves perié da me splighé.
Zënza él dagnora döt che pé logich y che vá automaticamënter y an fej mefo do tradiziun. Sëgn sunse indere completamënter metüs dan a n cer’ öt, an á tëmp da ponsé sura, da fá reflesciun y se damané: co é pa nosta vita, olá junse pa, ci é pa important? Chëstes é domandes fondamentales, cun chëres che an se confrontëia magari massa püch tla vita tan movimentada d’aldedaincö.
Tla Carsëma inviëion dagnora da renunzié a valch. Sëgn sunse te n colp sforzá da renunzié, nia ma ala cern, mo cinamai ai contac, al jí alaleria, zacó ala liberté. Podëise pa impó davagné ince val’ de positif da chësta situaziun?
Impröma la sinton pa bëgn dër negativa, chël mësson dí. Gnanca plü podëi s’incunté, jí fora, se bëre le café o fá les cosses che an é ausá. Y gnanca plü podëi jí a mëssa. Dl ater vers unse davagné tëmp. Sëgn sunse te n iade ric de tëmp, por tan de cosses. I un tëmp por nos instësc, por la familia y ince por Chël Bel Dî. Chësc vel ince por me.
Döta la intervista ciafëise t’La Usc di Ladins (Intervista: Pablo Palfrader)