La Usc di Ladins

"Al é ciamó n pü’ adora por lauré ti pra y jí cun coltöra, ajache al n’é nia di ca che l’ultima nëi s’un é jüda", Manfred Vallazza, aconsiadú provinzial y regional, ciara da trá fora le miú da chësc tëmp che fej sté la vita publica y privata sön spines por le coronavirus. Le laur da paur é öna de chës püces profesciuns che pó ciamó gní desfirades, alaleria y tles frabiches, ma por fá laurs te bosch él da ponsé dui iadi, ince deache cina dan püc dis ne savô degügn da interpreté les desposiziuns dl decret de Conte a Roma aladó che ai foss gnüs conzedüs.

La Usc: Manfred Vallazza, i dijëis che i se lascëis dlaurela cun jí cun la cultöra...
Manfred Vallazza: "Sce,

• L’assessur regional Manfred Vallazza é chisc dis a ciasa. Al á dlaurela da fá de vigni sort de scüfs söl lüch da paur y ince da fá la belëita cun sü mituns.
•  

View the embedded image gallery online at:
https://www.lausc.it/valedes-ladines/val-badia/12258-i-podun-ince-impare-da-chesta-crisa#sigProId59afdde7e2

chiló La Val é i pra ciamó massa moi, mo tosc jarunse ince nos."

Ci fajëise pa döt le de söl lüch y te ciasa?
"Da me stufé n’ái n iade nia. Al é da fá de vigni sort de scüfs, y spo – chësc mëssi dí – ái sëgn dlaurela por la familia, y na gran ligrëza cun mi dui pici mituns."

La politica provinziala y regionala ne pó nia palsé, dantadöt nia sëgn che la jënt s’aspeta consëis, diretives y ince aiüc de vigni vers?
"Chël é vëi! Sciöche politich ne palsi gnanca sëgn. I ne vá nia plü a Balsan o a Trënt, y vá püch fora dla vila y de paisc. Mo i mëssi dí che nosc laur – dantadöt tles fraziuns dl consëi provinzial – vá impó inant, a destanza tres videoconferënzes y videoreuniuns. Les dezijiuns ordinares y importantes tolunse a vigni manira, ince sce i ne sun nia plü fisicamënter adöm. Le Consëi provinzial y regional n'á por fortüna albü chëstes ultimes edemes degönes sentades, y les sessiuns dl Consëi provinzial palsa."

Liede do deplü tla ediziun stampada de La Usc di Ladins!  (Iaco Rigo)