Soghé y imparé sön "parores.it"

Data

01 de auril 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N proiet nü y interessant, che pó ince pité de bi momënc tratan chëstes edemes a ciasa.
Do 6 agn dala pröma ediziun de "Mies prömes parores", coordiné da Sara Moling cun dessëgns de Gabi Mutschlechner, pó la Uniun Ladins Val Badia y l’Istitut Ladin Micurá de Rü cun ligrëza presenté ince l’e-book! A chësta moda pón ti ciaré al liber ince da n computer o da n tablet. L’e-book é da ciafé te düc i 5 idioms ladins dles Dolomites, implü ince por furlan y por mochen. Online vára da ascuté dötes les parores, ince por inglesc o por todësch, n fatur important por imparé la dërta pronunzia. Y chësc n’é pa nia ciamó döt! Tla verjiun digitala de "Mies prömes parores" pón ince fá jüc cun les parores y cun i dessëgns. Le jüch é dessigü na manira plajora por imparé n lingaz y che brancia poester ince plü saurí.
Chi che é gnüs coriusc, pó cuché ite sön www.parores.it