La Usc di Ladins

Andreas Verginer á 23 agn y é da San Martin. Dan da chi 11 mëisc él pié ia cun n compagn por jí n ann t’Australia. "Por fá na esperiënza nöia, imparé l’inglesc y ince avëi n miú curriculum", dij Andreas, che á fat la scora de hotelaria a Bornech y á lauré cina sëgn sciöche cogo, chelner y tla reception. Te so tëmp ia t’Australia ál fat de vigni sort. Por val’ edema él jü a cöie pom, spo ál lauré te n bar talian desco bartender y le medemo laur ál fat por chi 6 mëisc a Melbourne. Al dij instës che al é sté "na beliscima esperiënza". Ai 10 de forá ál rové da lauré y la cherscia söla turta dê ester n iade cun l’auto y la tenda deboriada cun compagns, por se rodé jö ciamó n iade le continënt, denanche jí inant tl’Asia y tl’America. Indere: danterite él gnü le coronavirus, che á trat sotissura i programs dl dagní, mo nia ma chësc: Andreas messass pié zoruch tla Talia. So jore ê söl program rodunt incö ai 5 d’aurí, por intant sburlé al de do. Nos un contaté Andreas tl’Australia bele dan val’ dis y al nes á cunté dles dificoltés da s’armöie, di jori straicá, di prisc ales stëres y ince de sües triches.

La intervista podëise lí t’La Usc di Ladins di 3 de aurí 2020.  (pablo)