I Stödafüch da San Martin de Tor, Lungiarü, Antermëia, Al Plan, Rina, La Pli, La Val, Badia y i Stödafüch profescionai da Bornech é gnüs alarmá ales 19:23 por n gran medefüch che é sbroché fora tla vila da Ju tl comun da San Martin. Al â pié füch na stala y majun, che é spo vardüda jö daldöt. Les flames â tratan l’intervënt ince brancé l’ara da tët dla ciasa dlungia, mo por fortüna é i stödafüch stá bogn da gorné les flames. Por la majun n’él - sciöche dit - plü sté nia da nen fá. Da informaziuns nia ofiziales éra jüda da salvé altamo i tiers. Le föm y les flames ê da odëi da dalunc.
(pablo)
Stala en flames sö Ju da San Martin
Stödafüch de döta la bassa Val Badia é gnüs cherdá por na stala en flames tla vila sura Picolin.
Galaria retrac
- I gran flamuns tla vila da Ju. (© Pamela Palfrader)
- Le föm vëigon ince d’Al Plan sö.
- Ciamó n retrat dl medefüch.
View the embedded image gallery online at:
https://www.lausc.it/valedes-ladines/val-badia/12343-stala-en-flames-soe-ju-da-san-martin#sigProId48eef2aa08
https://www.lausc.it/valedes-ladines/val-badia/12343-stala-en-flames-soe-ju-da-san-martin#sigProId48eef2aa08