La Usc di Ladins

La direturia dles Scores Altes dij che döt é arjigné ca por stlü jö l’ann de scora. Lapró él gnü da Roma dan otedé ince les indicaziuns monüdes por l’Ejam de Stat. Chësc metará man ai 17 de jügn 2020. La comisciun d’Ejam sará metüda adöm da comissars interns che conësc bun les scolares y i scolars. Cun la direturia s’l’unse cuntada.

Direturia Elena Pellegrini, da püc dis incá savëise co che les scores altes vá inant chëstes edemes y ci che al nen sará di Ejams de Stat (matura). Podëise nes cunté co che i ëis ciafé l’informaziun, y co che i ëis tut sö l’informaziun? É les diretives dötes cantes gnüdes da Roma, o en pert ince da Balsan?
Elena Pellegrini: "L’ordinanza

• La direturia Elena Pellegrini.
•  

View the embedded image gallery online at:
https://www.lausc.it/valedes-ladines/val-badia/12736-adincuntra-ala-matura-orala#sigProId2453fc6b54

ministeriala che regolamentëia i Ejams de Stat é gnüda dada fora dal Ministér dl’Istruzion en sabeda, ai 16 de ma, plütosc tert sce i ponsun che l’Ejam de Stat metará man ai 17 de jügn. Dai pröms dis de ma savonse bele che l’Ejam foss sté ma a usc, mo al manciâ ciamó le regolamënt plü avisa. Iö personalmënter sun contënta che al sará na comisciun d’Ejam metüda adöm döta da comissars interns: insegnanc che conësc bun i scolars y les scolares y che sá coche al é gnü lauré te classa, y suradöt chisc mëisc. Por ci che reverda l’Ejam máncel ciamó val’ diretiva da pert de Balsan che tol ite la particolarité de nosta scora paritetica, chëstes gnará definides chisc dis."

Dal momënt che al ne sará nia plü da jí a scora en chësc ann (ann de scora 2019/20) por studëntes y studënc: se abinëise almanco adöm os direturia y professurs ciamó (fisicamënter) por valuté i studënc? 
"Al momënt pél che les proes (i 'scrutini') vëgnes tignides tres videocoliamënt, mo i sun tl laur da aspeté indicaziuns de chësc vers. Te vigni caje: nos sun arjigná ca."

Cun ci desposiziuns y criters gnará pa i studënc valutá?
"Ince la valutaziun di studënc é argomënt dl’ordinanza dl Ministér dl’Istruziun gnüda fora en sabeda, cun indicaziuns plü avisa söla modalité de valutaziun. Tl valuté i studënc messará i consëis de classa ince tigní

• La direturia Elena Pellegrini.
•  

View the embedded image gallery online at:
https://www.lausc.it/valedes-ladines/val-badia/12736-adincuntra-ala-matura-orala#sigProId2453fc6b54

cunt de coche i studënc á lauré te chësta ultima spana de insegnamënt a destanza."

Co aratëise pa os dles Scores Altes da La Ila da fá por les cuintes classes?
"Te chisc ultims dui mëisc y mez é les cuintes classes gnüdes acompagnades cun gran atenziun da pert di insegnanc, y i studënc é gnüs informá tresfora söles novités dl Ejam de Stat, suradöt dales coordinadësses de classa. Te chësta spana de tëmp atuala é i studënc tl laur da se arjigné ca al Ejam cun l’aiüt de video-leziuns tignides dai insegnanc. L’Ejam metará man le de 17 de jügn dales 8:30 y al gnará tigní, de regola, en presënza. Al dorará presciapüch 1 ora a studënt/a y al tolará ite na proa a usc che gnará valutada cun alplü 40 punc. Al gnará ejaminé 5 studënc al de. Al toma demez daldöt les proes scrites. La comisciun é metüda adöm da 6 insegnanc, düc interns, ma le presidënt gnará da foradecá."

Liéde do deplü tla ediziun stampada atuala de La Usc di Ladins!


 (Iaco Rigo)