La Usc di Ladins

Aladó dl articul dl Kurier Online dauriará l’Austria sü confins dlvers dla Talia, dla Grecia, dla Croazia y d'atri Statesc europeics. Chësc ó spo dí che al tomará i controi de polizia y sanité söi confins dl’Austria (olache ai é ciamó atualmënter) y i austriacs instësc pó derevers te so Stat zënza jí en carantena.
Chësc podess dí bele sëgn che i austriacs nen aprofitará da gní tla Talia por les vacanzes dles Antlés – sce ai ne jará nia zoruch dan da en lönesc dan mesanöt.
Dlvers dla Svezia á le govern austriach söes perplessités – do che la linia de infeziuns nöies y caji de mort cun Covid–19 ne fej nia la ota: ai 4.6. él gnü registré – dagnora tla Svezia – 1.042 caji nüs y 20 caji de mort, ai 5.6. indöt 1.143 infeziuns nöies y 77 morts por/cun Covid–19, ai 6.6. 825 caji de infeziun y 17 caji mortai cun Covid, ai 7.6. 462 infeziuns nöies y 3 caji de mort cun Covid–19, ai 8.6. indöt 536 infeziuns nöies y 35 morts cun le coronavirus, ai 9.6. indöt 202 caji de infeziun nüs y 23 morts da/cun Covid–19.  (Iaco Rigo)