La Usc di Ladins

Por gauja dl »coronavirus« unse messü sté edemes a ciasa, evité i contac; restoranc, ostaries y bars á messü tigní stlüt. Le bun café en compagnia, l’aperitif o la bira do le laur n’ê nia plü. Da val’ edemes incá pón indó jí te bar. Daurí á ince le Bar Val a San Martin de Tor, o »da Bino« sciöche al vëgn dit. N bar de paisc, che vëgn manajé incö da Assunta Pedevilla. Nos un orü ti damané co che la vita te bar s’á mudé do le »lockdown«, co che ara é cun les restriziuns, sce la jënt vëgn al’ostaria, se tëgn ales prescriziuns y sce ara baia tres ciamó ma de »coronavirus«.

La Usc: Assunta, la jënt pó indó rodé, jí te bar. Co sinteste

• Assunta Pedevilla cun n cliënt. (© Pablo Palfrader/La Usc di Ladins)
•  

View the embedded image gallery online at:
https://www.lausc.it/valedes-ladines/val-badia/12855-la-vita-te-bar-do-le-lockdown#sigProIdd5ba2bdef5

pa personalmënter le laur sce te le confrontëies a sciöche al ê dan le »lockdown«?
Assunta Pedevilla: Le laur s’á dessigü mudé cotan, plücheater deache le bar chiló da me é dagnora sté n bar olache la jënt s’á incunté por sté adöm. An pó dí cuaji sciöche te na stüa de paisc, olache la jënt vëgn a carté, sté adöm, ciacolé. Chël n’é nia plü sëgn. Chësta é stada na cossa che m’á zacó dër cruzié da daurí, deache i ponsâ: co él pa dedó te bar, canche al ne pó nia plü ester chësc? Vëgneramo la jënt, stára mo fora? Chësc m’á dé dër da ponsé.

Canche an vëgn chiló o canche an passa, vëigon impó che al é tres jënt che storj pro...
I mëssi bëgn dí che i sun stada dër contënta de sciöche la jënt s’á comporté y ince por la solidarieté che la jënt á albü te mi confrunc: da gní indó, da respeté les regoles. La solidarieté dla jënt é dër impor­ tanta y cun solidarieté mini ince che la jënt vëgn impó te bar, spënn valch y me dëida insciö ince me da jí inant. Chël é ince important.

Döta la intervista ciafëise t’La Usc di Ladins di 12 de jügn.





 (pablo)