Al ê sté n pü’ de spordüda, ai 23 de jügn, canche al ê gnü comuniché che al foss gnü fat laurs sön Ciaulunch y che la strada foss stada sarada por n mëis. Alarm falz, n fal de comunicaziun.
I laurs vëgn fac, mo la strada resta daverta. Chësc vëgn lascé alsavëi tres n comunicat dla Provinzia de Balsan. Sön n toch de strada che porta al Ju de Ciaulunch, sön terac dl Comun de Corvara, vál debojëgn da fá laurs de prescia, por comedé danns gaujá dal rî tëmp. I laurs mët man en lönesc ai 6 de messé, sön n toch de indöt 700 metri, y tratan i laurs podarán transié sön öna na striara.
I laurs vëgn finanziá tres n fond dla Uniun Europeica. Ai dess gní stlüc jö tantosc, a na moda che an pois indó garantí na zircolaziun sigüda sön döt le ju, sides por la jënt dl post, che por i ghesć. Laurs che vá ince a bëgn di eserzizi sö por le Ju, y che pormetará dedó ince indó da desfiré manifestaziuns dla roda. (pablo)
Laurs de prescia sön Ciaulunch
Le Sorvisc Strades de Puster lascia alsavëi che en lönesc ai 6 de messé mët man sö por Ciaulunch laurs de de prescia sön n toch de strada de 700 metri. La zircolaziun é tres garantida, sön öna na striara
Galaria retrac
View the embedded image gallery online at:
https://www.lausc.it/valedes-ladines/val-badia/13006-laurs-de-prescia-soen-ciaulunch#sigProId580dfe0c52
https://www.lausc.it/valedes-ladines/val-badia/13006-laurs-de-prescia-soen-ciaulunch#sigProId580dfe0c52